|
09.03.2010
საქართველოს პრეზიდენტი მიხეილ სააკაშვილი ბათუმში ქართულ-თურქული ლიცეუმის გახსნას დაესწრო.
"საქართველოს ხელისუფლება განათლების რეფორმას ბოლომდე მიიყვანს. ჩვენი მთავარი ამოცანა საქართველოს განათლების სისტემის საერთაშორისო სისტემაში ინტეგრირებაა. საქართველო წელს იუნესკო-ს ვიცე-პრეზიდენტი ქვეყანაა, რაც ნიშნავს, რომ ჩვენი განათლების სისტემა საერთაშორისო სტანდარტებისკენ ისწრაფვის. ბავშვებს მსოფლიო დონეზე წარმატების მიღწევაში ხელი უნდა შევუწყოთ. არ მინდა, რომ განათლება მხოლოდ ელიტის პრივილეგია იყოს. ის ხელმისაწვდომი უნდა იყოს ყველასთვის", განაცხადა პრეზიდენტმა.
"რუსეთის ხელისუფლებამ ვერ შეძლო რუსეთში მცხოვრები ქართველების გადაბირება. სამწუხაროდ, საქართველოში არიან ადამიანები, რომელთაც მთავრობის კრიტიკა გადაეზარდათ სიძულვილში, მთავრობის სიძულვილი კი - ქვეყნის სიძულვილში. საქართველოს ხელისუფლებამ გააკეთა არჩევანი - ჩვენ ვიქნებით თავისუფლები და ძლიერები რუსეთის გარეშე; ჩვენ არავის მეორეხარისხოვანი დანამატი არ ვიქნებით. ჩვენ ბევრად მეტი პერსპექტივა გვაქვს, ვიდრე მათ წარმოუდგენიათ", აღნიშნა სააკაშვილმა.
|
