|
23.09.2012
"ევროპის სახალხო პარტიის" დელეგაციამ საქართველოში ვიზიტი დაასრულა. დელეგაციის წევრები პატიმრების მიმართ განხორციელებული ძალადობის შესახებ გავრცელებულ ვიდეომასალას გამოეხმაურნენ. მათ მწუხარება გამოთქვეს მომხდართან დაკავშირებით. მათი განცხადებით, მნიშვნელოვანია, რომ მომხდარს ხელისუფლების მხრიდან სწრაფი რეაგირება მოჰყვა. მათი თქმით, მომხდარის გამო, არჩევნების დემოკრატიულად ჩატარების საკითხი კითხვის ნიშნის ქვეშ არ უნდა დადგეს და ამ მოვლენებმა არ უნდა დაჩრდილოს ის ფაქტი, რომ საპარლამენტო არჩევნები იქნება საქართველოს დემოკრატიულობისა და ევროპული არჩევანის ტესტი. "ევროპის სახალხო პარტიის" დელეგაცია, რომელშიც ევროპარლამენტის ორი წევრი შედიოდა, საქართველოში რამდენიმედღიანი ვიზიტით იმყოფებოდა და ქვეყანაში წინასაარჩევნო გარემოს აკვირდებოდა.
|
